Tá Gradam Sheosaimh Uí Ógartaigh ag bogadh ar aghaidh go dtí an chéad chéim eile sa phróiseas. Chas na moltóirí le chéile den chéad uair an tseachtain seo chun an Gearrliosta a roghnú. Léirigh an 31 gnólacht agus eagraíocht a saothair dhátheangacha sna Pacáistí Eolais do na moltóirí agus iad ar fad ag iarraidh céim amháin níos gaire a thógáil chun aitheantas a bhaint amach mar Threibh Nua na Gaillimhe.
Ar an bpainéal moltóireachta i mbliana tá: Maeliosa Ó hÓgartaigh, Cuntasóir agus Fear Gnó agus mac le Seosamh Ó hÓgartaigh, a bhfuil an gradam ainmnithe as, ball bunaidh agus rúnaí cuideachta Ghaillimh le Gaeilge, Colleen Baxter, Comhordaitheoir Ballraíochta agus Imeachtaí, Cumann Tráchtála na Gaillimhe agus Daithí Ó Gallchobhair, Bainisteoir Foirne, Gaeltacht & na hOileáin, Slí an Atlantaigh Fhiáin.
Déanfar Gearrliosta Ghradam Sheosaimh Uí Ógartaigh a fhógairt sa Galway Advertiser ar an 7 Deireadh Fómhair. Coinnigh súil amach dó!
