Tesco, Gaillimh – Buaiteoirí Ghradam Sheosaimh Uí Ógartaigh 2014

22nd January 2017

“Bhí ríméad an domhain orainn Gradam Sheosaimh Uí Ógartaigh a bhaint amach in 2014. Táim an-bhródúil as an bhfoireann i Tesco Gaillimh agus tá sé iontach go bhfuair an fhoireann aitheantas as an obair chrua, as a gcuid iarrachtaí agus as a dtiomantas, go háirithe agus caighdeán na n-iarratas eile chomh hard sin. Comhghairdeas leo ar fad as Gradam den scoth a chur ar fáil agus buíochas ó chroí do Ghaillimh le Gaeilge as a gcúnamh agus as a dtacaíocht. Má tá tú ag smaoineamh iarratas a dhéanamh ar an nGradam amach anseo, b’fhiú go mór duit tabhairt faoi. Bhaineamar féin an-taitneamh as an nGaeilge a thabhairt isteach mar theanga bheo inár ngnó agus táimid ag tnúth le leanúint ar aghaidh á dhéanamh sin san am atá amach romhainn. Fiú amháin chuireamar brandáil i nGaeilge agus i mBéarla inár siopa Fóin Soghluaiste an tseachtain seo! Fuaireamar an t-uafás aiseolais a bhí thar a bheith dearfach ónár gcustaiméirí, ón lucht gnó agus ó chuairteoirí chuig an stór.  Míle buíochas.”

Denis McCarthy – Tesco na Gaillimhe

Buaiteoirí na gCatagóirí i 2014 ná:

  • Fógraíodh Óstán an Ardoileáin mar bhuaiteoirí ar an gcatagóir ‘Fáilteachas agus Turasóireacht’ urraithe ag Fáilte Ireland. 
  • Fógraíodh Brendan James Financial Services mar bhuaiteoirí ar an gcatagóir ‘Seirbhísí’ urraithe ag Snap Galway.
  • Fógraíodh Dúchas na Gaillimhe mar bhuaiteoirí ar an gcatagóir ‘Comhlachtaí Eile’ urraithe ag Acadamh na hOllscolaíochta Gaeilge, Ollscoil na hÉireann, Gaillimh.

Related Articles

Ciorcal Comhrá
Ciorcal Comhrá

Beidh Ciorcal Comhrá ann AMÁRACH!!👏Más cainteoir líofa Gaeilge thú, má tá tú ag foghlaim agus ag cur feabhais ar do chuid Gaeilge, nó mura bhfuil ach beagán Gaeilge agat, tá fáilte agus fiche romhat! 💚Ciorcal Ciorcal Comhrá taking place tomorrow! All levels welcome!...

Todhchaí na dTeicneolaíochtaí Teanga i ré na hIntleachta Saorga
Todhchaí na dTeicneolaíochtaí Teanga i ré na hIntleachta Saorga

Mar chuid d'Uachtaránacht na hÉireann ar Chomhairle an Aontais Eorpaigh, tá áthas ar Roinn na Gaeltachta cuireadh a thabhairt duit spéis a léiriú i gcomhdháil idirnáisiúnta dar teideal Todhchaí na dTeicneolaíochtaí Teanga i ré na hIntleachta Saorga, a dhéanfaidh...

Club Reatha na Gaillimhe

Tá grúpa nua reatha i gCathair na Gaillimhe ag iarraidh daoine a tharraingt le chéile chun an Ghaeilge a labhairt, rúinín beag aclaíochta a dhéanamh agus cupán caife a bheith acu ina dhiaidh. Tá Gaillimh le Gaeilge, i gcomhar le Caifé na Taibhdheirce (Amharclann...