Iarratas ar Thograí (RFP)
Straitéis Gaillimh le Gaeilge 2026-2028 a Fhorbairt
Réamhrá
Tá tograí á lorg ag Gaillimh le Gaeilge ó shainchomhairleoirí/eagraíochtaí a bhfuil na cáilíochtaí oiriúnacha bainte amach acu chun straitéis nua trí bliana a ullmhú don tréimhse 2026–2028.
Is eagraíocht dhátheangach muid agus oibrímid go príomha trí mheán na Gaeilge. Cé go mbeadh seirbhís trí Ghaeilge ina buntáiste, glacfar le hiarratais i mBéarla freisin.
Oibreoidh an t-iarratasóir rathúil go dlúth le Bord, foireann agus páirtithe leasmhara Ghaillimh le Gaeilge lena chinntiú go bhfuil an straitéis uaillmhianach, réalaíoch, agus ar aon dul lenár misean – an Ghaeilge a chur chun cinn agus a neartú i nGaillimh.
Scóip na hOibre
Déanfaidh an sainchomhairleoir/eagraíocht na rudaí seo a leanas:
- An straitéis reatha a athbhreithniú (2023-2025) agus a torthaí, a rath, agus a dúshláin a mheas.
- Dul i gcomhairle leis na páirtithe leasmhara (Bord, foireann, maoinitheoirí, comhpháirtithe, pobal teanga, pobal gnó, agus an pobal i gcoitinne, más cuí).
- An comhthéacs beartais bainteach a anailísiú (beartas náisiúnta teanga, straitéisí údaráis áitiúil, turasóireachta agus straitéisí ábhartha eile, cláir an AE, etc.).
- Tosaíochtaí straitéiseacha agus deiseanna a aithint for Gaillimh le Gaeilge for 2026–2028
- todhchaí na Gaeilge i gCathair na Gaillimhe a chosaint, a neartú, a fhorbairt agus a fheabhsú
- treo Ghaillimh le Gaeilge mar eagraíocht á mhúnlú
- Cuspóirí intomhaiste, príomhtháscairí feidhmíochta (PTFanna), agus creat forfheidhmithe a fhorbairt.
- Doiciméad scríofa straitéise deiridh a chur le chéile i nGaeilge agus i mBéarla (tá costais aistriúcháin le lua sa togra).
Bunspriocanna Inghnóthaithe
- Tuarascáil Tionscadail ina dtugtar cuntas ar an modheolaíocht agus an amlíne (faoi Nollaig 2025)
- Tuarascáil Eatramhach, torthaí san áireamh ó athbhreithniú agus comhairliúcháin (faoi Mhárta 2026)
- Dréachtstraitéis a phléifear leis an mBord (faoi Mheitheamh 2026)
- Doiciméad Straitéise Deiridh (faoi Dheireadh Fómhair 2026)
Buiséad
Is é an buiséad uasta atá ar fáil don obair seo €25,000 (CBL agus costais san áireamh).
Amlíne
- Tosú an chonartha:: Samhain 2025
- Dáta críochnaithe: Deireadh Fómhair 2026
Riachtanais don Togra
Ba cheart do dhaoine ar spéis leo togra a sheoladh ar aghaidh ina bhfuil an méid seo a leanas:
- Próifíl eagraíochta/sainchomhairleora agus taithí bhainteach (ar a laghad cúig bliana).
- Eolas sainiúil ar ghnóthaí na Gaeilge, na Gaeltachta agus na pleanála teanga
- Cur amach suntasach ar chathair agus ar chontae na Gaillimhe mar aon lena líonraí ábhartha
- An mhodheolaíocht agus an cur chuige a bheartaítear.
- Plean oibre agus amlíne tháscach.
- Miondealú ar an mbuiséad (CBL, costais, agus aistriúchán san áireamh, más bainteach).
- Ainmneacha agus CVanna an phríomhphearsanra.
- Samplaí (3) dá mhacasamhail d’obair forbartha straitéise a rinneadh.
- Beirt mholtóirí.
Critéir Mheasúnaithe
Déanfar measúnú ar thogra bunaithe ar an méid seo a leanas:
- Tuiscint ar an achoimre (20%)
- Taithí agus cuntas teiste bainteach (25%)
- Caighdeán agus indéantacht na modheolaíochta a bheartaítear (25%)
- Costas agus luach ar airgead
- An cumas soláthar a dhéanamh laistigh den achar ama
Sonraí faoi Sheoladh an Togra
Ba cheart tograí a sheoladh go leictreonach i bhformáid PDF go dtí: [email protected]
Dáta druidte: Dé hAoine 21 Samhain 2025 @5pm
Ní dhéanfar aighneachtaí déanacha a mheas.
