Tabhair cuairt ar tonnta.eu chun TICÉID agus an CLÁR IOMLÁN a fháil.
Mar gheall ar a fheabhas agus a d’éirigh leis an bhféile in 2024, beidh Tonnta, an t-aon fhéile dá leithéid i nGaillimh a dhéanann ceiliúradh ar an nGaeilge agus ar Ghaillimh mar chathair dhátheangach, ar siúl arís! Beidh an fhéile ar siúl ón 30 Eanáir go dtí an 2 Feabhra 2025 agus is cinnte go mbeidh sraith eachtrach d’imeachtaí le siamsaíocht ar fáil ann ionas go spreagfar níos mó daoine le taitneamh a bhaint as an nGaeilge agus as an gcultúr iontach a bhaineann léi. 🌊
Is í Gaillimh an t-aon chathair dhátheangach in Éirinn agus tugtar cuireadh duit pé leibhéal Gaeilge atá agat a úsáid in atmaisféar spraíúil fáilteach. Is cuma más páirt a ghlacadh sa Chéilí Mór agus sna seónna tinte saor in aisce san Fhaiche Mhór nó freastal ar cheolchoirmeacha, ceardlanna, turais bhia, agus imeachtaí dátheangacha don teaghlach sna hionaid is mó a bhfuil tóir orthu i nGaillimh, cosúil le hAmharclann Halla na Cathrach, An Taibhdhearc, Amharclann Mick Lally agus PorterShed a Dó, beidh rud éigin ar siúl do gach duine. Beidh gach imeacht dátheangach, inrochtana, agus ionchuimsitheach.
Beidh roinnt ceoltóirí móra a bhfuiltear ag tnúth go mór leo i bhféile na bliana seo, cosúil le Máirtín O’Connor Trio le tacaíocht ó Phadraig Jack, ag Amharclann Halla na Cathrach , Dé Domhnaigh, an 2 Feabhra. Beidh An Chéad Ghlúin Eile i dteannta Ríoghnach Connolly sa Taibhdhearc Dé Sathairn, an 1 Feabhra, le Lá Fhéile Bríde a cheiliúradh. Beidh Jiggy beo ag an Róisín Dubh Dé hAoine, an 31 Eanáir. Cuireann Turais Bhia na Gaillimhe (Galway Food Tours) turas ar leith dátheangach bia agus dí ar siúl. Tá ticéid á ndíol go tapa agus is fiú duit d’áit a chur in áirithe anois. Tabhair cuairt ar www.tonnta.eu chun ticéid agus an clár iomlán a fháil.
Cuirtear scoth chruthaitheacht agus chultúr na hÉireann i láthair in Tonnta freisin, an chéad léiriú san áireamh ar choimisiún nua Gaeilge le James Riordan le Compántas Amharclannaíochta Brú, a chuirfear i láthair sa Taibhdhearc Dé hAoine, an 31 Eanáir, le tacaíocht ó Éire Ildánach.
Titfidh clár saor in aisce d’imeachtaí amach ag PorterShed a Dó, Sráid an Mhargaidh, Dé Sathairn, an 1 Feabhra, ióga dátheangach, fíodóireacht Chros Bhríde agus i bhfad níos mó san áireamh.
Titfidh Cosy Club, a bhfuil an-tóir air agus a chuireann Kayte O’Malley ar siúl, amach ag an HYDE Dé Sathairn, an 1 Feabhra. Is fiú go mór do dhaoine ar spéis leo scannáin freastal ar an scannán dátheangach a bhuaigh gradam, Froggie, a chuirfear ar scáileán ag Pálás agus ar an díospóireacht phainéil ina dhiaidh.
Tabharfar Lá na bPáistí de chuid na féile go Gaelscoil Mhic Amhlaigh, Cnoc na Cathrach, ceann den dá cheantar Gaeltachta ainmnithe i nGaillimh, Dé Domhnaigh, an 2 Feabhra, le tacaíocht ó Údarás na Gaeltachta. Is féidir le teaghlaigh taitneamh a bhaint as cluichí, scileanna sorcais, péinteáil aghaidhe, agus dioscó do pháistí. Sa mhullach ar an méid sin, agus le tacaíocht speisialta ó TG4, beidh deis ag na daoine óga casadh le láithreoirí ó chainéal Cúla4, spraoi a bheith acu ag foghlaim agus ag fiosrú scileanna teilifíse, chomh maith lena bheith ag cleachtadh os comhar an cheamara freisin!
I dturas an ama, beidh an Fhaiche Mhór beo beathach Dé Sathairn, an 1 Feabhra, nuair a chuirfear Céilí Mór saor in aisce (2pm go 5pm) agus taibhithe tinte iontacha ar siúl ag 5pm agus 7pm, le háilleacht na Gaeilge a cheiliúradh. Cuirfidh an Dirty Circus as Gaeilge, a chuirfear ar siúl arís de bharr an éilimh atá air, deireadh leis an bhféile, Dé Domhnaigh, an 2 Feabhra.
Tionscnamh Ghaillimh le Gaeilge é Tonnta atá dírithe ar infheictheacht agus ar ghlór na Gaeilge i nGaillimh a mhéadú. Tá an fhéile comhchistithe ag Comhairle Cathrach na Gaillimhe, Údarás na Gaeltachta, Éire Ildánach agus Plean Teanga Chathair na Gaillimhe. Tacaíonn Cúla4, Comhar Creidmheasa an Chladaigh, Fáilte Ireland, RTÉ - Ag Tacú leis na hEalaíona agus TG4 leis an tionscnamh dátheangach seo freisin.
Ina theannta sin, ba mhaith le Gaillimh le Gaeilge buíochas a ghabháil lena gcomhpháirtithe in earnáil an fháilteachais atá ar bord go dtí seo, Clayton Hotel Galway, Galway Bay Hotel, The Ardilaun Hotel, The Galmont Hotel & Spa, Radisson Red Hotel agus The Kings Head.
Seolfaidh Méara Chathair na Gaillimhe, an Comhairleoir Peter Keane Tonnta go hoifigiúil ar an Déardaoin 30 Eanáir ag 12pm sa Kings Head, atá ag déanamh urraíochta ar an seoladh.
Cuireann POF Gaillimh le Gaeilge, Bríd Ní Chonghóile, an bhís atá uirthi faoin bhféile in iúl:
“Táimid ríméadach go bhfuil Tonnta 2025 ag tarlú arís, a bhuíochas dár n-urraitheoirí flaithiúla agus do thacaíocht phobal na Gaillimhe. Tá an t-imeacht seo níos spreagúla fós mar gheall ar urraitheoirí nua a chur leis chomh maith le hurraitheoirí roimhe seo a thabhairt ar ais. Beidh meascán dinimiciúil imeachtaí dátheangacha ar siúl i gclár na bliana seo a spreagfaidh gach duine ceangal a dhéanamh le teanga agus le cultúr na Gaeilge agus spraoi a bheith acu agus cuimhní marthanacha á gcruthú acu.”
Is féidir tuilleadh eolais a fháil ag: www.tonnta.eu
