Na Scéalta is déanaí ó Ghaillimh le Gaeilge
Fulacht Fia Chairde Ghaillimh le Gaeilge
Bhain Cairde agus Stiúrthóirí Ghaillimh le Gaeilge ardtaitneamh as tráthnóna álainn ceoil agus bia ag an bhFulacht Fia bliantúil a reáchtáladh, Dé Céadaoin an 28 Meitheamh sa Radisson Blu Hotel & Spa, Bóthar Loch an tSáile, Gaillimh. Is iad Cairde Ghaillimh le Gaeilge Ionad na Faiche Móire, Ollmhargaí na Seoighe, Gaillimh agus an Comhlacht Tógála Stewart a rinneadh urraíocht fhlaithiúil ar an bhFulacht Fia. Míle buíochas leo ar fad.
Ag an ócáid, chuir Bernadette Mullarkey, Cathaoirleach Ghaillimh le Gaeilge, fáilte mhór chroíúil roimh Mhéara nua-thofa Chathair na Gaillimhe, an Clr Pearce Flannery, a toghadh an tseachtain seo caite.
Labhair sí chomh maith faoin obair atá roimh Ghaillimh le Gaeilge sna seachtainí amach romhainn agus iad ag déanamh áisitheoireacht ar an bpróiseas chun Plean Teanga nua do Chathair na Gaillimhe a réiteach. Dúirt sí:
“Láidreoidh an Plean Teanga nua do Ghaillimh stádas na Gaillimhe mar Chathair Dhátheangach na hÉireann agus cuirfidh sé luach cultúrtha lenár mbliain mar Phríomhchathair Chultúir na hÉireann in 2020 chomh maith. Tá deiseanna iontacha anseo chomh maith leis na meáin a úsáid chun an Ghaeilge a chur i lár an aonaigh agus an ghné spraíúil den teanga a chur i láthair. Cinnte, tá obair le déanamh, ach le tacaíocht Chomhairle Cathrach na Gaillimhe, Chairde Ghaillimh le Gaeilge agus eagraíochtaí tábhachtacha eile, is féidir linn a bheith muiníneach go gcuirfear plean rathúil le chéile dár gcathair. An dúshlán is mó a bheas romhainn ná na hacmhainní cuí a bheas ag teastáil leis an Plean Teanga nua a chur i bhfeidhm a fháil.”
Go raibh míle maith agaibh!
Tá Rásaí na Gaillimhe beagnach linn!
Tá Gaillimh le Gaeilge ag glaoch ar GHAILLIMH an Ghaeilge a úsáid i rith na féile. Is féidir leat í a úsáid ar Chomharthaí/ ar Bhiachláir/ i Margaíocht/ i bhFoilsiúcháin/ nó i dTáirgí atá forbartha do Rásaí na Gaillimhe. Déan teagmháil linn le do thoil ag 091 568876 nó eolas@gleg.ie. Tá deis agat cuairt a thabhairt ar www.gleg.ie chomh maith.
Fáilte chuig Rásaí na Gaillimhe ~ Welcome to the Galway Races
Bain sult as Rásaí na Gaillimhe ~ Enjoy the Galway Races
Bain sult as an gcraic ~ Enjoy the craic
Lá na mBan ~ Ladies Day
Spraoi agus Spleodar ag Rásaí na Gaillimhe
Enjoyment and fun at the Galway Races
Bí linn ag Rásaí na Gaillimhe ~ Join us at the Galway Races
An Fhéile Rásaíochta is cáiliúla sa tír!
The most popular Racing Festival in the country!
Táim ag na Rásaí – I am at the races
Capall breá Great horse
Jacaí breá Great jockey
Aon mholtaí? Any tips?
Cuir geall Put on a bet
Gach bealach Each way
Féile Idirnáisiúnta Ealaíon na Gaillimhe
DÚN NA mBAN TRÍ THINE—Léiriú de chuid na Taibhdheirce i gcomhair le hOllscoil na hÉireann Gaillimh mar chuid d’Fhéile Idirnáisiúnta Ealaíon na Gaillimhe –Ar siúl ón 13 go dtí 22 Iúil 2017.
Tuilleadh Eolais ag http://antaibhdhearc.com/shows/dun-na-mban-tri-thine/
Make ‘an Ghaeilge’ your business
Cuireann Gaillimh le Gaeilge an tseirbhís ‘Gaeilge sa Ghnó’ ar fáil, do ghnólachtaí/d’eagraíochtaí chun cuidiú leo an Ghaeilge a shní isteach ina gcuid gnólachtaí. Tapaigh do dheis agus cuir tús leis na hullmhúcháin anois chun gnó dátheangach a fhorbairt!
Cairde Ghaillimh le Gaeilge
CARA MAITH
Ollmhargaí na Seoighe, Gaillimh
CARA
Ionad Ealaíon na Gaillimhe/Galway Arts Centre
Míle buíochas!
Dlúthchairde Ghaillimh le Gaeilge 2017
Faigheann Gaillimh le Gaeilge maoiniú ón gCrannchur Náisiúnta tríd an Roinn Ealaíon, Oidhreachta, Gnóthaí Réigiúnacha, Tuaithe agus Gaeltachta, ó Chomhairle Cathrach na Gaillimhe agus ó Chairde Ghaillimh le Gaeilge i gcomhar le Cumann Tráchtála na Gaillimhe.
